II XORNADA DE MONTAXE EN SANDIÁS
UNHA XORNADA PARA VIVIR A PESCA!
10 DE XANEIRO DE 2027
09:00–14:00 h · Centro Social de Sandiás
O Clube de Pesca Deportiva O Peixe do Río Limia, como organizador desta iniciativa, quere convidarvos a
participar na II Xornada de Montaxe, que terá lugar o vindeiro 10 de xaneiro de 2027 en Sandiás.
Unha xornada moi especial na que reuniremos grandes profesionais, artesáns, montadores, marcas e
comercios especializados do sector, para compartir coñecementos, experiencias e traballos arredor do
apaixonante mundo da pesca.
Durante a mañá poderemos desfrutar de demostracións de montaxe, exposición de materiais, técnicas
artesanais, novidades e moito máis. Unha oportunidade perfecta para aprender, intercambiar ideas e coñecer
de primeira man o traballo que hai detrás deste mundo.
ACTIVIDADES PARA OS MÁIS PEQUENOS
De 11:00 a 13:00 h, na Casa da Cultura, celebraremos unha charla educativa sobre a pesca para nenos, un
obradoiro de montaxe titulado «A nosa primeira mosca» e un curso de lance.
INSCRICIÓN GRATUÍTA E AGASALLOS PARA TODOS OS NENOS ASISTENTES!
A participación dos máis pequenos nestas actividades será totalmente GRATUÍTA e teremos preparados
detalles e agasallos para todos os nenos e nenas asistentes.
Para poder organizar correctamente as actividades e preparar os agasallos para todos, é necesario inscribir
os nenos con antelación.
DATA LÍMITE DE INSCRICIÓN DOS NENOS: 20/12/2026.
Queremos que os máis pequenos tamén sexan protagonistas desta xornada e teñan a oportunidade de
descubrir, aprender e gozar do apaixonante mundo da pesca.
XANTAR DE CONVIVENCIA
Teremos tamén a posibilidade de compartir mesa cun xantar de convivencia:
25 €
Cocido para adultos
15 €
Menú infantil
DATA LÍMITE PARA ANOTARSE AO XANTAR: 03/01/2027.
INSCRICIÓN E CONFIRMACIÓN DO XANTAR
Para anotarse e confirmar a inscrición ao xantar será necesario realizar previamente o ingreso
correspondente na seguinte conta bancaria:
NÚMERO DE CONTA (IBAN) ES43 3070 0042 6063 9333 4021
CONCEPTO DA TRANSFERENCIA Xantar Xornada de Montaxe + Nome e apelidos da persoa inscrita.
É importante indicar o nome e apelidos da persoa que se anota para poder identificar correctamente o
pagamento.
Unha vez realizada a transferencia, será imprescindible enviar o xustificante do ingreso a Alejandro. A
inscrición ao xantar só quedará confirmada unha vez realizados ambos os pasos.
INSCRICIÓNS, RESERVAS, INFORMACIÓN E ENVÍO DE XUSTIFICANTES DE
PAGAMENTO
Clube de Pesca Deportiva O Peixe do Río Limia 2
Alejandro
649 675 038
LUGAR, DATA E HORARIO
LUGAR Centro Social de Sandiás
DATA 10 de xaneiro de 2027
HORARIO De 09:00 a 14:00 h.
LOCALIZACIÓN – CASA DA CULTURA DE SANDIÁS
Abrir localización en Google Maps
Un agradecemento especial a todos os profesionais, comercios, entidades e colaboradores que fan posible
esta iniciativa, así como ao Concello de Sandiás polo seu apoio.
Queremos que esta xornada sexa moito máis ca unha exposición: un lugar de encontro, aprendizaxe,
convivencia e posta en valor da pesca e da artesanía.
Agardámosvos en Sandiás para compartir unha gran xornada arredor da nosa paixón.
A PESCA ÚNESE, A ARTESANÍA COMPÁRTESE E A AFECCIÓN MEDRA!
SÍGUENOS NAS REDES E NA WEB
BLOG DO CLUBE: https://clubpeixe.blogspot.com/
FACEBOOK DO CLUBE: Club de Pesca O Peixe
PROPOSTA DE MENÚS
Data do evento: 10/01/2027
MENÚ COCIDO GALEGO 25 € / persoa
PRIMEIRO
Caldo de Cocido.
SEGUNDO
Cocido Galego: Patacas, repolo, garavanzos, chourizos delgados, chourizos ceboleiros, orella, lacón,
morro, rabo, cachucha e carne de tenreira.
SOBREMESA
Tarta xeada de nata e chocolate con Tiramisú.
Viño Tinto / Branco do Menú
Auga / Refrescos
Cafés / Infusións
Licores
MENÚ INFANTIL 15 € / persoa
PRIMEIRO
Espaguetis á Boloñesa.
SEGUNDO
Peituga de polo á milanesa con patacas fritas.
SOBREMESA
Cucuruchos de xeado de diversos sabores.
Auga
Refrescos
Nota importante: Os asistentes deberán elixir un dos dous menús. É necesario saber con antelación cantos
comensais haberá de cada un dos menús.
